ضـيــق الـخــاطـــر

الغالي اللي غيابـه ضيـق الخاطـر
غــلاه يبقـى ولو إن الزمـن ضـدي
صحيح غايب ولكن بالفكر حاضر
وأشوف زوله ليا طالعت في يـدي
لعـب بقلبي مثل مايلعـب الكاسر
لاجتـه كــوره وقـام بفـنـه يعـدي
لي عنه مده وأنا متحمل وصابر
واليوم طول وزاد الهجر والصدي
هـذاك حبـه لقلبـي خارق وعابـر
والشوق يصعب على قلبي له يصدي
لوكنت ماني عن ظروف البطا خابر
سألـت عـنــه ولـكـن عـارف الـردي
ولوني على البعد ليله صابر وقادر
ماسالت الدمعه من عيوني على خدي
ولاكتبت القصيـد وصرت له شاعر
ولاقلت في شوفتك (ياغايبه) ودي
ياغايبه عني ترى للموت أنا ذاكر
ماانسى غرامك وحبك كل شي عندي
أشعلت شمعة غلاك وصار يتكاثر
واقفيت عني وأناانتظرك على وعدي
بغيت قربك وقلت أصبر ليا باكر
ثم جيـت أدورك لكن رحت مايمدي
وشلون أردك وانته عني مسافر
حظـي أعرفـه ولامــره علي يهـدي
ياماتمنيـت .. لكـن حظي العاثر
أصبـح عـدوي وطـاح وصار متـردي
كنت نايم بحظنك وأنت لي ساهر
واحسب انك نصيبـي قلت ياسعـدي
لكـن الوقـت ظالـم والزمـن جاير
خـلا جروحــي مــع الأيـام تشـتـدي
النفس ملت من فراقك وانا حاير
قل لي شسوي إذا صار الزمن ضدي